جہنم کے دربانوں کے نام قرآن میں کیا مذکور ہیں؟

قرآنِ کریم میں جہنم کے دربانوں کے نام صراحتاً صرف ایک نام کے ساتھ مذکور ہے، اور وہ ہے

خَازِنُ جَهَنَّمَ کا نام مَالِك۔

اللہ تعالیٰ فرماتا ہے
وَنَادَوْا يَا مَالِكُ لِيَقْضِ عَلَيْنَا رَبُّكَ ۖ قَالَ إِنَّكُم مَّاكِثُونَ
اور وہ پکاریں گے: اے مالک! ہمارے رب سے کہہ دے کہ ہمارا کام تمام کر دے۔ وہ کہے گا تمہیں تو یہیں رہنا ہے۔
(الزخرف :77)

یعنی جہنمی جب عذاب سے عاجز ہو جائیں گے تو جہنم کے داروغہ مالک کو پکاریں گے، مگر وہ انہیں مایوس کر دے گا۔

جہنم کے دربانوں کی مجموعی تعداد قرآن میں بیان ہوئی ہے
عَلَيْهَا تِسْعَةَ عَشَرَ
(المدثر :30)
اس (جہنم) پر انیس (فرشتے) مقرر ہیں۔

پس قرآن کے مطابق ان کے سربراہ مالک ہیں، اور کل انیس فرشتے جہنم کے دربان ہیں، مگر دیگر دربانوں کے نام قرآن میں ذکر نہیں کیے گئے۔